صباحات زرقاء / خوجلي الشيخ
بتاعين ممرات شرفية
* كانوا و لا زالوا و سيظلون أصحاب كوميديا
* ديل غريبين و عجيبين.
قاموا ليهم في موضة جديدة.
أظنهم شاهدوا كورة عالمية و شافوا واحد من فرق اوروبا عمل ممر شرفي لفريق تاني.
الحكاية عجبتهم جداً.
و قاموا فيها
* أي فريق يلاقيهم في مباراة.
يعملوا ليهو ممر شرفي.
سااااااي كده و بدون سبب.
مبسوطييييين
* تلقاهم واقفين في الممر يتكشموا تقول شالوا كأس الأبطال و منتظرين لحظة التتويج
* بقوا بتاعين ممرات شرفية رسمي و شعبي
* عملوا ممر شرفي لناس عطبرة
* ناس عطبرة محتارين في الممر ده لغاية الآن ما عارفين السبب الخلى الناس ديل يعملوا ممر شرفي
* يا ربي بعملوا ممرات شرفية بدون مناسبة لشنو؟
يكونوا قايلنها ثقافة؟
يكونوا قايلنها بتبقي الناس لعابين؟
يكونوا قايلنها بتعفي من التمهيدي؟
يكونوا مفتكرنها بتزيد النقاط؟
يكونوا مفتكرنها بتخليهم يتصنفوا افريقياً مع العشرة الأوائل بدل ترتيبهم المنيل بستين نيلة ده؟
غايتو يحيروا الما بتحير
* بمناسبة عيد الأضحى كثير من الفرق المشاركة في النخبة أعجبت بصوت الخروف فتجدها دسترت و تدثرت باللون الاحمر و دخلت لهذه المباريات تحت شعار صوت الخروف ( باااااااااع )
* قمت بمشاهدة لقطة ضربة الجزاء التي احتسبها حكم مباراة الهلال و هلال الساحل نحو ٥٧ مرة و لم اجد ما يستدعي احتساب ركلة جزاء
* راجعت قوانين كرة القدم و لم أجد قانوناً و احداً يمكن ان يجعل حالة مشابهة لهذه يمكن أن تحتسب ركلة جزاء
* ثم قمت بمراجعة التعديلات الجديدة التي استحدثت في قانون كرة القدم و التي سوف تطبق رسمياً في المونديال القادم و لم اجد فيها ما يجعل اللقطة المعنية ضربة جزاء.
فمن اين لهذا الحكم بتلك الضربة؟
على اي مادة استند في احتسابها؟
يكون قاصدنا؟
ما أظن.
طيب السبب شنو؟
الحكم إما قاصدنا.
ده مفروض ما يحكم تاني.
او يكون ما بعرف قوانين كرة القدم.
و ده مفروض ما يحكم تاتي.
أو يكون بعيد جدا من الحالة.
و ده مفروض ما يحكم تاني.
عليه :
* أي حكم يظلم الهلال مرة اخرى سوف نقوم برفع اللقطة للحكام العرب و الحكام الافارقة و الحكام العالميين.
لا لشيء إلا لفضحه فقط.
و قد اعذر من أنذر
* ليه يا دنيا فيكي الزول بعيش ايامو
لا عارف العليهو لا داري بالقدامو
و الداير الوصول للمرسى قبل العاموا
ما عارف البحر غدار بشيل عوامو
مع السلامة
